Fillimisht ndërtuam bizneset tona. Pastaj filluam të ndërtojmë për të tjerët.

Faqja juaj në internet, me emrin tuaj — si dyqanijuaj.com. Jo një faqe Facebook që e merrni hua. Një vend që ju përket.

Kur dikush dëgjon emrin tuaj, këtu shkon për të parë nëse jeni biznes serioz. Nëse s'ka asgjë, shkon te dikush tjetër.

Produktet tuaja në atë faqe, secili me foto dhe çmim, që klienti të porosisë pa ardhur në dyqan.

Vazhdoni të shisni natën, të dielën, dhe te njerëz në qytete të tjera që nuk do të vinin kurrë deri te dyqani.

Kutia që del në Google kur dikush kërkon emrin tuaj: orari, telefoni, fotot, vendndodhja në hartë dhe vlerësimet.

Shumica nuk e hapin kurrë faqen tuaj. Shohin këtë kuti dhe ju telefonojnë direkt. Nëse orari është gabim, mendojnë se jeni mbyllur.

Kur dikush shkruan “bojler afër meje” në Google, del një listë. Ne punojmë që ju të hyni në atë listë — pa paguar për reklamë. Pastaj çdo muaj ju dërgojmë fjalët që njerëzit shkruan vërtet për t’ju gjetur.

Dyqani i parë në atë listë merr telefonatën. Poshtë faqes së parë, sikur të mos ekzistoni.

Postime me pagesë që ju vendosin para njerëzve që nuk do t’ju gjenin kurrë vetë. Ju zgjidhni qytetin, moshën, interesin.

Por së pari rregullojmë gjërat falas — profilin tuaj në Google, fotot, faqen. Shumë dyqane paguajnë reklama që sjellin njerëz në një faqe nga ku klienti ikën pa blerë.

Paguani që të dilni i pari në Google për fjalët që shkruajnë klientët tuaj.

Ia vlen kur ajo që shisni kërkohet me emër dhe blihet shpejt. Nuk ia vlen për të gjithë — ne ju themi nëse ia vlen për ju.

Postimet dhe fotot tuaja, të vendosura rregullisht — dhe dikush që u përgjigjet vërtet komenteve e mesazheve poshtë tyre.

Klientët tuaj janë tashmë në telefon çdo ditë. Një faqe që s'ka postuar që vitin e kaluar duket saktësisht si një dyqan me qepenat e ulur.

Një numër biznesi ku njerëzit mund të shkruajnë, me produktet tuaja të ruajtura brenda dhe përgjigje të shpejta gati për pyetjet që bëjnë të gjithë.

Këtu njerëzit shkruajnë para se të telefonojnë. Kush përgjigjet i pari, zakonisht e merr punën.

Foto reale të produkteve, dyqanit apo dhomave tuaja — të bëra si duhet dhe të rregulluara me dorë, që ajo që shisni të duket sa më mirë, ashtu siç është.

Njerëzit vendosin me sy brenda dy sekondave. Një foto e keqe e bën një produkt të mirë të duket i lirë, dhe ju kurrë nuk e merrni vesh sa veta ikën.

Video të shkurtra vertikale të produkteve, dyqanit ose dhomave tuaja, të montuara për Instagram dhe TikTok.

Sot Instagram-i dhe TikTok-u tregojnë më shumë video. Një foto e thjeshtë arrin më pak njerëz se dy vjet më parë.

Një logo, ngjyra dhe një stil që qëndrojnë të njëjta kudo — në tabelë, në qese, në postime, në fatura dhe në faqen tuaj.

Njerëzit mbajnë mend një formë dhe një ngjyrë shumë para se të mbajnë mend një emër. Kur dukeni njësoj kudo, biznesi duket serioz dhe jo i bërë në çast.

Profilet tuaja në Booking dhe Airbnb, gjithmonë të sakta dhe me foto të mira, plus faqja juaj ku vizitorët rezervojnë direkt.

Për çdo rezervim përmes platformës, platforma merr komision. Kur vizitori rezervon direkt herën e dytë, ato para mbeten te ju.

Menuja juaj hapet në telefon: klienti skanon kodin QR mbi tavolinë.

Ndryshoni një çmim një herë, në vend që të riprintoni gjithçka — dhe fotot e ushqimit e bëjnë shitjen për ju.

Një kuti kërkimi në faqen tuaj që kupton si shkruajnë njerëzit këtu — “bojler” e gjen bojlerin, dhe pa ë-në apo ç-në prapë e gjen. Dhe faqe që hapen para se dikush të mërzitet e të largohet.

Klienti që kërkon dhe nuk gjen asgjë nuk ju pyet. Ai ikën, dhe ju as nuk merrni vesh që ishte aty.

Shohim dyqanet e tjera që shesin të njëjtat gjëra, produkt për produkt, dhe shënojmë çmimet e tyre dhe si i paraqesin.

Nuk mund t’i vendosni çmimet mirë pa ditur sa kërkojnë të tjerët. Këtë e bëmë për dyqanin tonë përpara se të ndryshonim një çmim të vetëm.

Ulemi me ju dhe ju tregojmë si të postoni, si të përgjigjeni dhe si ta mbani profilin gjallë — që të mos jetë diçka që e paguani përgjithmonë.

Disa biznese nuk kanë nevojë për ne çdo muaj. Po jua themi hapur, në vend që t’ju marrim paratë.